حيــاه بــلا روح

حيــاه بــلا روح

حياة بلا روح

حياة مفعمه بالجروح

كعادتها بكل الم تنوح

في داخلي الم يقتل الروح

يذبح القلب ويجعله يصرخ

من حمل الجروح دمعات

على خذي تحرق الخد

وتنطق عن لساني

وعن ما بقلبي

وتكتب على خدي

جسد يمشي بلا روح
انحنى ابكى واصرخ اضع يدي على خذي

فتتخلل دموعي كفي وتصرخ

هي حياة بلا روح ان خفيتي

دمعك فسيفضحك صوتك

المبحوح سيفضحك ترنحك

فكيف تمشي اقدامك

وجسدك بلا روح

ضحكات تعلو

احاول ان اخفي ضعفي

كي لا يشفق على من حولي

ولكن كل الادله تقول انها حياة بلا روح

كيف لبسمه ضاحكه تكون عينها دامعه
حينها اسقط مترنحا

فلم تعد تحملني اقدامي

اذهب زاحفه الى بحري

واقول له واسئله اصحيح

انها حياة بلا روح

فيجفاني ولا يرمي لي بالا

فا اصرخ واساله اهي حياة بلا روح

فيسفهني ولا يرد

فيسقط وجهي على كفي

واصرخ بعلو صوتي

نعم هي حياة بلا روح

فحلو البحر من دمعي وقال لي

نعم هي حياة بلا روح

لأنها حياة مفعمه بالجروح

فهل تعلمي ان الجروح

هي من تسلب من الجسد الروح

وتخفي البسمه من الوجه

وتصبح يا بني حياتك بلا روح

السناجل

السناجل جمع كلمة سينجل. والسينجل هو الشخص الذى مازال يبحث عن نصفه الآخر. السينجل يعيش وحيدا، يعيش قليلا ويحلم كثيرا. نادراً ما تتحقق أحلامه. ولكن لكوابيسه نصيب كبير من التحقق. يتغذى هذا السينجل على المنتديات والشات والفيس بوك وتويتر.. قد تكون سنجليته سببا فى تقربه إلى الله أو فى بعده عنه. كما أنها قد تكون سببا فى نجاحه وإثبات ذاته، أو فى تقوقعه داخل نفسه وإثبات ضعفه.. عن السناجل أتحدث.. عن عُقدهم وأنواعهم.. تعددت السناجل والعُقد واحدة.



السناجل هنا مقصود بهم الشباب والفتيات وليس الشباب فقط. والعقد منها الأنثوى ومنها الذكوري، ومنها العام؛ أي عقدة موجودة عند الاثنين معا.



عُقدة مش حاسس


عُقدة عامة تصيب السناجل نتيجة تعلقهم بالماضي.. فيحاولون الدخول فى تجارب جديدة ولكنها دائما تنتهي بـ (مش حاسس – مش حاسة)، فتكون الفكرة المأخوذة عنهم أنهم من النوع اللى بيشوق ولا يدوق. ولكنهم فى الحقيقة بيحاولوا يحسوا ومش عارفين

(البنت دى مش مفهومة وبتعلقك – الواد ده غامض وبيتسلى بيكي)



عُقدة مفيش قدامك حد؟


عُقدة عامة، وهى أخطر أنواع العُقد التى تصيب السناجل فتجعلهم دائمي السؤال والإلحاح على كل من حولهم، (ماعندكش عروسة - ماتظبطيلى عريس). وخطورة هذا النوع أنه وصل إلى حالة من اليأس والتعطش تجعله يبرر لنفسه السطو على ما ليس له حق فيه

(البنت اللى بتخطف خطيب صحبتها)

(الواد اللى يسيب بنات الدنيا كلها وماتعجبوش غير البنت اللى صاحبه بيحبها)



عُقدة مش هتجوز صالونات



عُقدة عامة، ينتظر فيها السناجل أن يتكعبلوا فى الحب. وقد يطول انتظارهم، ولكنهم لا ييأسون، فهم لم يرتبطوا من قبل. ودائما يؤجلون مشاعرهم حتى يحين الوقت لمقابلة حب العمر. ولكن الحب رزق والأرزاق على الله



عُقدة مش هتجوز غير صالونات

(الشهيرة بـ سيد بنجر)



عقدة عامة، يصرّ فيها السناجل على أنهم لن يتزوجوا إلا عن طريق الصالونات. ويكون ذلك نتيجة مرورهم بتجربة حب قاسية، فيعتقدون أن تغيير طريقة الارتباط هى التى ستضمن لهم النجاح. وتذكرني هذه العُقدة بموقف للفنان حسن فايق (صاحب أشهر ضحكة فى السينما المصرية) فى أحد أفلامه، حينما كان اسمه «سيد بنجر»، وكان هذا الاسم يسبب له كثيرا من الحرج، فقرر أن يغيره إلى «على بنجر» فى حين أن المشكلة مش فى «سيد» ولا فى «علي»، المشكلة الحقيقية فى «بنجر».. فالقضية هى اختيار الشخص المناسب والقدرة على اتخاذ القرار. صالونات بقى ولا حب مش هتفرق



عُقدة مش هتجوز خالص


عقدة عامة، يشعر بها السناجل حينما ينظرون إلى حال أصدقائهم المتزوجين ويستمعون إلى نصائحهم.

(انت كده ملك ومش حاسس بالنعمة اللى انت فيها)

(أنتى فاكرة الجواز عِدل أوى)



عُقدة الرجالة ماتوا فى الحرب



عقدة أنثوية، وتتردد كثيرا هذه الجملة على ألسنة الفتيات، ويصاب الشباب بحالة من الغثيان عند سماعها، تشبه تأثير سماع جملة «صايم ولا زى كل سنة» فى أول يوم رمضان. وتعتقد الفتيات أصحاب هذه العقدة أنه لا يوجد شاب له كلمة. فى الوقت الذى يعترف فيه الشباب المنعوتون بهذه الصفة أن نقطة الخلاف هى أن الفتيات يرفعن شعار (لو بتحبها روح لها لحد البيت)، والشباب يرفعون نفس الشعار ولكنهم يشترطون أن يكون البيت فاضي



عُقدة مفيش بنت محترمة



عقدة ذكورية يشعر بها الشاب صاحب الجولات والخروجات والعربيات المتفيمة. ولا تزول هذه العقدة فهو دائم الشك فى كل الفتيات، وقد يصاب بهذه العقدة شاب ليس له أى تجارب ولكنه يسمع كثيرا عن «البنات الوحشين»، فيتولد بداخله اعتقاد أنه حتما سيتزوج فتاة سيئة، ويندم على أنه لم يفكر يوما فى أن يلعب بمشاعر فتاة، فكان هذا سيخفف من ألمه عندما يتزوج فتاة حد لعب بمشاعرها من قبل. ويبدأ فى البحث عن فتاة يلعب بمشاعرها بدلا من البحث عن عروسة



عُقدة حب الوحدة



عقدة عامة تصيب السناجل بحالة من الألفة تنشأ بينهم وبين الوحدة، وذلك نتيجة طول فترة وحدتهم، لدرجة أنهم بيصعب عليهم يسيبوا الوحدة لوحدها



عقدة مش دلوقتى

عقدة عامة تجعل السناجل دائما يرجئون ارتباطهم، ويربطونه بحدوث أشياء مستقبلية بعيدة المدى



كل العُقد اللى فاتت بيجمع بينهم الخوف. الخوف من تكرار الفشل. الخوف من فشل الآخرين. الخوف من الاختيار الخاطىء. الخوف من رفض من نتعلق بهم لحبنا. الخوف من تقلب مشاعرنا. الخوف اللى دايما بيخلينا ما نعرفش نشوف.. أنا بكره الخوف وبخاف منه




لـِ أحمد عاطف مجاهد

12 -12 - 2010

Ahmed Atef Megahed

Single & Looking ;)

د . مصطفي محمود الاسلام ماهو ؟

سألني صديقي و هو رجل كثير الشك :
و ما السر في ثياب الإحرام البيضاء و ضرورة لبسها على اللحم و تحريم لبس
المخيط .. و ما معنى رجم إبليس و الطواف حول الكعبة .. ألا ترى معي أنها
بقايا وثنية


قلت له : أنت لا تكتفي بأن تحب حبيبك حبا عذريا أفلاطونيا ، و إنما تريد
أن تعبر عن حبك بالفعل .. بالقبلة و العناق و اللقاء .. هل أنت وثني ؟


و بالمثل من يسعى إلى الله بعقله و قلبه .. يقول له الله : إن هذا لا يكفي .. لابد أن تسعى على قدميك
و الحج و الطواف رمز لهذا السعي الذي يكتمل فيه الحب شعورا و قولا و فعلا
و هنا معنى التوحيد
أن تتوحد جسدا و روحا بأفعالك و كلماتك
و لهذا نركع و نسجد في الصلاة و لا نكتفي بخشوع القلب ..

فهذه الوحدة بين
القلب و الجسد يتجلى فيها الإيمان بأصدق مما يتجلى في رجل يكتفي بالتأمل

أما ثياب الإحرام البيضاء فهي رمز الوحدة الكبرى التي تذوب فيها الأجناس و يتساوى فيها الفقير و الغني .. المهراجا و أتباعه
و نحن نلبسها على اللحم .. كما حدث حينما نزلنا إلى العالم في لحظة
الميلاد و كما سوف يحدث حينما نغادره بالموت .. جئنا ملفوفين في لفافة
بيضاء على اللحم .. و نخرج من الدنيا بذات اللفة
هي رمز للتجرد .. لأن لحظة اللقاء بالله تحتاج إلى التجرد كل التجرد
و لهذا قال الله لموسى :
(( اخلع نعليك إنك بالوادي المقدس طوى ))
هو التجرد المناسب لجلال الموقف


و هذا هو الفرق بين لقاء لرئيس جمهورية .. و لقاء مع الخالق
فنحن نرتدي لباس التشريفة لنقابل رئيس الجمهورية
أما أمام الله فنحن لا شيء .. لا نكاد نساوي شيئا
و علينا أن نخلع كل ثياب الغرور و كل الزينة

قال صديقي في خبث : و رجم إبليس ؟

قلت :
- أنت تضع باقة ورد على نصب تذكاري للجندي المجهول ، و تلقي خطبة لتحيته .. هل أنت وثني ؟
لماذا تعتبرني وثنيا إذا رشقت النصب التذكاري للشيطان بحجر و لعنته .. إنها نفس الفكرة
إنها كلها رمزيات
أنت تعلم أن النصب التذكاري مجرد رمز ، و أنه ليس الجندي
و أنا أعلم أيضا أن هذا التمثال رمز ، و أنه ليس الشيطان
و بالمثل السعي بين الصفا و المروة إلى حيث نبعت عين زمزم التي ارتوى منها
إسماعيل و أمه هاجر .. هي إحياء ذكرى عزيزة و يوم لا ينسى في حياة النبي و
الجد اسماعيل و أمه المصرية هاجر

و جميع شعائر ديانتنا ليست طقوسا كهنوتية بالمعنى المعروف ، و إنما هي نوع
من الأفعال التكاملية التي يتكامل بها الشعور و التي تسترد بها النفس
الموزعة وحدتها ..
إنها وسيلة لخلق إنسان موحد .. قوله هو فعله .. فالكرم لا معنى له إذا ظل
تصريحا شفويا باللسان ، و إنما لابد أن تمتد اليد إلى الجيب ثم تنبسط في
عطاء ليكون الكرم كرما حقيقيا .. هل هذه الحركة وثنية أوطقسا كهنوتيا

و بهذا المعنى ، شعائر الإسلام ليست شعائر ، و إنما تعبيرات شديدة البساطة للإحساس الديني
و لهذا كان الإسلام هو الدين الوحيد الذي بلا طقوس و بلا كهنوت و بلا كهنة



د . مصطفي محمود
الاسلام ما .. هو ؟

شكرا مجتمعى الراقى احمد الشقيرى

​‏​‏​‏​‏​‏​‏​‏​‏​‏​‏​‏​‏​‏​​‏​‏​عندما يُسمح لِ الولد بِ السّفر
معَ أصدقآئِھ والرّجوع متأخراً
و تُمنع الفتآھ من زيآرة صديقآتھآ !
تسمع كلمة يَ ليتني ولَد . .
عندما يغلطْ الفتَى مع الفتآھ
يُقالُ عنھُ طيشْ شبآب ،
ويُقالُ عنھآ فآجِرَھ !
تسمع كلمة يَ ليتني ولَد . .
عندما يُعاكسْ الفتىَ في مكآن عام
و يُصبح ؛ ضحيّة ومفتون
و يُصبحن متبرّجآت !
تسمع كلمة يَ ليتني ولَد . .
عندما يكون الّرجل عآزبْ
و المرأة عآنس !
تسمع كلمة يَ ليتني ولَد . .
عندما يُرحّبُ بالمطلّق
و تُنبَذُ المطلّقة !
تسمع كلمة يَ ليتني ولَد . .

فـ مآذا إستفدناَ من هذهِ النّظريّة !؟
مآذا بعدَ تقدير الرّجل !؟
أصبحت النّساء يتنكّرن كَ رجآل !؟
و الّرجال يبحثونَ عن رجآلٍ مثلهم
لأنّ الرّجل لم يعد رجلاً
و المرأة لم تعدْ تعتزُّ بكونها إمرأة !
فَ هيِ كمآ يقولُ المجتمع :
{ عورَھ فيِ جميعِ حآلاتھآ ! }
شكراً مجتمعي الراقي


احمد الشقيرى

حاساك بعيد .. دعاء عبد الوهاب

حاساك بعيد ..
حاسة البريق ف عينيك ..
بيهدا
بينطفى
شمس الحنين ف سمَاك ..
بقسوة بتختفى
حتى المعانى بقِت بتهرب من حروفك
و الحلم بقى جوايا متلون بخوفك
و اقول هاسيبك ..
و بُكره قلبك هيناديك ..
ما انا أصلى عارفة ..
قلبى مش حيهون عليك ..
و استنى ترجع ..
و استنى تانى ..
ألقاك حبيبى لسٌاك بعيد ..
دا انا قلتلك ..
أنا أد إيه باحتاج وجودك ..
باحتاج حنانك ..
ضحكتك ..
و أمان وعودك ..
بقى تبقى عارف إن قلبى ..
من لهفته هيموت عليك ..
و ان الحياة متعلقة ..
على نظرة بالمحها ف عينيك ...
و انك حبيب عُمرى الوحيد ..
و يهون عليك تفضل بعيد ؟؟
.....
دعاء عبد الوهاب

مش من حَقي عزيزة علي

مش من حَقي
إني أتكلِم
مش من حَقي إني
أتألِم
و لا من حَقي إني
ألملِم
أخِر دَمعة بتجري فـ جَرحك

مش من حقي أتطاول
و أسأل
و لا إني أسمع مُوجز
شَرحك

مش من حَقي الظاهر إني
تفضل حَقي
و تفضل مِني
ولا حَتى يكُون إللي هَاممني
يوم من غيري
و عيشتهُ فـ فَرحَك

مش من حَقي !؟؟؟
حاجة تِضَحَك
طب فين حَقي !..ـ
الله يسامحك ..ـ
............
عزيزة علي

مش عايز اتجوز ولا عايز لمحمد السيد عبد العزيز

مش عايز اتجوز ولا عايز
اعشق وادوب
ولا عايز م الدنيا جوايز
دباديب وقلوب
انا عايز قلبي يكون خالي
ومزاجي تملي يكون عالي
ولو جالي الحب وندالي
كنت احدفه بقوالب طوب

يا قلوب الدنيا العشقانه
يا قلوب غرقانه مادريانه
احزانكو غلبت افراحكو
والعين بدموعكم مليانه

واغاني الحب المعدومه
مجروح ..متعذب .. مهمومه
الكل اتنكد بسببكو
والكل قلوبهم تعبانه

علي ايه اتعذب واعذب
وادوب م الحب واتغرب
مخنوق م الحب لكن بكدب
لو قولت ما نيش نفسي اجرب

لكن م الحب انا خايف
والخوف من قلبي بيتهرب
لما المح جوز عرسان واقف
والحب ما بينهم بيقرب

واتخيل نفسي يوم فرحي
والدمع بينزل من فرحي
وتدوب احزاني مع جرحي
والدمع يتوب
انا عايز اتجوز انا عايز
اعشق وادوب
واستقبل م الدنيا جوايز
دباديب وقلوب

محمد السيد عبد العزيز
,,,,

كنت فين يا علي لــِ على سلامة

كنت فين يا علي ...
أمك بتدور عليك ...
كنت باحفظ ف الحروف ...
غصب عني و ع الظروف ...
خدوا دوري فى الصفوف ...
وإنتي لسه بتسألي ..
كنت فين يا علي ...
كنت باحلم بالوظيفة ...
والحرير تحت القطيفة ..
الحياة طلعة مخيفة ....
كدبة بنت آرندلي ....
كنت فين يا علي ...
كنت بسأل إيه اللي صار ...
بره جنة .. وجوه نار ...
و عرفت إيه معني إستعمار ...
من غير مدفع ولا عسكري ...
كنت فين يا علي ....
كنت ماشي بدون بطاقة ....
لا عندي شوق ولا عندي طاقة ..
بسألك وبدون إساءة ..
إمتي تاني تنوري ....
كنت فين يا علي ........


لــِ على سلامة

كتاب القراءة لعلى سلامة

كتاب القراءة:::---
بمنتهي البراءة سأليتني بنتي نور
ف أربع خمس أمور
مش ف كتاب القراءة
قالتلي بابا بابا
مش إنت .. يا بابا
بتكتب أغاني وتقول أشعار
أنا سمعت الشيخ يا بابا
بيقول إنك يا بابا ها تروح النار
زي الوحشين يا بابا الحراميين الكفار
قوللي يا بابا يعني إيه إستعمار
يعني إيه نيل يعني إيه هرم
ومين اللي حط النسر فوق العلم
يعني إيه يا بابا إستفتاء
و يعني إيه إنتخاب
ويعني إيه حر ويعني إيه نصاب
يعني إيه إختلاس ويعني إيه هجاص
ويعني إيه خصخصة
يعني إيه يا بابا
دستور يعني إيه معارضة
ويعني إيه مظاهرة
وليه النهاردة
خدنا أجازة م المدرسة
قوللي يا بابا
يعني إيه قهر
وفين خط الفقر
ويعني إيه حظ
ويعني إيه زهر
يعني إيه يا بابا
حريه
يعني إيه إنسان
ويعني إيه سرطان
يعني إيه يا بابا
خربوها وكنت فين لما خربوها
ومين دول يا بابا ولاد القطقوطة
ومين دي سمارة يا بابا
وإزاي يا بابا
ضاعت من قلبك
يا بابا إنت معايا
فيه يا بابا ناس
بتقول كفايه
وفيه كمان عساكر مسكين عصايا
وبنات متعورين
وتانين ماشين بيضحكوا
هما دول إسرائلين
يا بابا
ويعني إيه
ويعني إيه
قولتلها
نور
ممكن أسألك سؤال قالتلي
إتفضل يا بابا
قلتلها هيه قناة سبيس تون
رقم كام
وخدتها
عشان تنام


لـ علي سلامة

طهقانة من جوزي

طهقانة من جوزي و عمايله و تصرفاته اللي تطهق بلدوححكيلكم عن عاملة من عمايله اللي تفرس



كنا قاعدين في الفود كورت في مول كبير انا و هو على ترابيزة واحدة و الاولاد راحو يلعبوا و مستنيين واحد صاحبه و مراته عازمينهم على العشا
و احنا قاعدين مستنيينهم قام يشتري سوفت درينك قبل ما ييجوا و ساب موبيله اخذت الموبيل و دعبست فيه لقيته كاتب اسمه في البلوتوث ((الجامد))و نيلة ايه ي يا ابن الايه جامد ايه يجوا يشوفوا
رجعت الموبيل زي ما كان و لا كاني شفت حاجة و شوية و رجع و شوية كمان و صاحبه و مراته وصلوا و انقسمنا فريقين الستات على تيبل و الرجاله على تيبل
كويس
و انا قاعدة معاها فتحت البلوتوث بتاع موبيلي و كتبت الاسم
(( احب الجامد))
و رحت باعتاله مسج دلع لقيته استقبلها و راقبته لقيت عنيه لمعت و بانت عليه السعادة و الرغبة في البلبطة في بحر المغامرة
طيب لما نشوف حتوصل لحد فين
راح باعتلي مسج فيها رقم موبيله و سميل فيس
اوبا بقى كده طيب استنى عليا اما لعبتك على الشناكل
طلبت من صاحبتنا نقوم نتمشى و نلف على محلات الاكسسوارات و انتهزت الفرصة و دخلت محل موبيل و اشتريت خط هوليداي من اللي بيشتغل 45 يوم و يفصل و رحت مزوغة من صاحبتنا و هي بتسأل على اسعار حاجات في المحل و طلبته و غيرت صوتي و كلمته بدلع و اخنفيت
اصل انا لما اتدلع اخنف الله يمسيكي بالخير يا سكيننة
انا : النووووو
هو بدهوله و هطل ) ا لل للو ايوة
انا: الجامد؟
هو: اهلا اهلا
انا: اسيك؟
هو : كويس ازيك انتي؟
انا: كويسه انت قاعد فين ؟
هو: ا ا انا في الفوت كورت قدام محل …… و ..و
انا: ده انت قاعد قريب مني بقى
هو: ا ه .. بس انا قاعد مع واحد صاحبي
انا : لابس ايه يا جامد
هو: لابس قميص …و…
انا: اه شايفاك ده انت هاندسم خالص مالص
هو : (بضحكة بلهاء) هاهاها متشكر يا قمر
عرف منين اني قمر الكذاب استنى عليا
انا: طيب اشوفك تاني ازاي؟
هو: اتصلي بيا بس قبل 4 العصر بس استني انت قاعدة فين و لابسة اية و ..و..
انا:اشمعنى بعد 4 انت متجوز؟
هو: لا لا لا…بس علشان نبقى براحتنا
بقى لا يانهار مش فايت امال 11 سنة جواز دول اية؟ و العيال اللي ملقحة دول مين؟
انا: طيب يلا باي بقى
هو: استني عايز اشوفك انت قاعدة فين؟ و..و..
انا : قفلت الخط و بقيت عايزة اشتري ايد هون و انزل بيها على نافوخه بس مسكت نفسي و قلت و النبي لشخلعه و اهشكه و افرجه



رجعت الشريحة بتاعتي في الموبيل و اتصلت بصاحبتنا و رجعنا قعدنا على الترابيزة معاهم و كبست على نفسه لحد ما روحنا و هو طول القاعدة عينه زايغة و عمال يبص على كل واحدة حولينا فاكرها هي الزبونة اللي اتصلت و انا قاعدة جانبه و لا حاسس بيا



و احنا مروحين لقيته منشكح و منهرش و عمال يصفر و يطبل على الدريكسيون اكن فرح خالته
عاملت روحي مش مركزة و قعدت اتكلم مع العيال في اي كلام



تاني يوم.. راح الشغل و على الساعة 11 اتصلت بيه من الشريحة اياها
انا: النوووو
هو:اهلا يا جميل
انا: وحشتني
هو: انتي اكتر كده برضه متخلنيش اشوفك
انا : استنى بس مش نتعرف الاول و بعدين نتقابل
هو:طيب حشوفك امتى
يا نهارك مش فايت و كمان عايز تقابلها مع سبق الاصرار و الترصد
انا: انت عندك كام سنة؟
هو:30 سنة و كام شهر
يا ابن الكذابة مواليد 60 و لسة 30 سنة ليه كنت واخد عشر سنين اجازة رضاعة طفل
انا: ياه انت كبير عليا انا 25
هو: و ماله هو في احلى من كده
انا: بس انا شايفة شعر ابيض في راسك امبارح؟
هو: ها ها ها ها لا ده من الخضة
انا:هيهيهيهيهي (بدلع بس من جوه بابور مولع)
هو: طيب انت بتشتغلي فين؟
انا: حسب ساعات و ساعات
هو: طيب…
قاطعته
انا باي بقى اكلمك بكرة في نفس الميعاد
و قفلت الخط و انا مولعة و فاضلي لتر بنزين و انفجر
و فضلت كده اتصل اتدلع عليه و مديلهوش اي معلومات عني خمس ايام لحد يوم الخميس و طبعا سمعني كلام عجب و كذب يودي كلية الطب و قالي نكت عمره ما حكهالي و هراني مسجات معاكسة و ادالت و غرام و اخيرا فاض بيا و قلت لازم اكشفه قدام نفسه
اتصلت
انا: النووو
هو: اهلا يا حبي
حبي؟!! و انا كل ما اتصل بيه و انا مراته يقولي نعم يا ماما و لو حد ساله مين يقولة —-البيت—–
انا: فاضي بكرة الصبح عندي تدريب في الناتي و عايسة اشوفك
هو: طبعا الساعة كام
انا : 12 كويس؟
هو : اوك يا قمر
انا: اوك سلام
هو : استني بس حعرفك ازاي؟
انا: زي ما قلتلك قبل ده انا شبه نيكول سابا بس للصراحة عنيا مش زارقة عنيا خضرا و حكون لابسة شورت تنس و بادي بينك
هو: اتفقنا يا قمر( و طبعا انا حسيت بالريالة بتنزل على سماعة التليفون و هو بيقول العبارة الاخيرة دي)
استنى اما نشفت ريقك



و لما روح سبع البرومبة قلتله عايزين نفسح الاولاد بكرة يا بيسو
قالي لا بكرة مش فاضي عندي مشوار واحد صاحبنا عنده المرارة و حيعمل عملية و لازم اروح معاه علشان نعمل التحاليل اللي قبل العملية و..و…و.. و عاملي قصة
قلتله: طيب اروح انا عند ماما بقى و لما تخلص ابقى تعالى اتغدى معانا
قالي: لا ما انا يمكن اتغدي معاه
كمان ناوي على غدا طيب حوقف اللقمة في زورك ان شاء الله



تاني يوم من الساعة 10 صحي و لبس و نزل مش عارفة ليه بدري كده بس احسن
اخدت العيال عند ماما و طلعت على النادي و لقيته مستني في المكان اللي اتفقنا عليه و عمال يتصل برقم الزبونة و انا مش مركبة الشريحة اصلا
اتصلت بيه من موبيلي و قلتله
انا:انت فين يا بابا
هو: ايوة…بزهق… ما انا قلتلك مع صاحبي
انا: طيب انا بس حبيت اقولك اننا رحنا النادي علشان ماما عندها ضيوف
هو: اتسرع و اتلجلج و انا شايفاه حط ايده على راسه
و قالي: نادي اية؟
قلتله: النادي الفلاني(اللي هو نفس النادي بتاع الرونديفوه)
هو: ليه كده الجو برد العيال حتعيا خديهم و روحي احسن
انا: طيب طيب



بس و عنها و ركبت شريحة الزبونة و اتصلت بيه
انا: النوووو
هو: انت فين يا جميل الساعة 2 مش تيجي بقى
انا: انت فين بالظبط
هو: جنب ملعب التنس زي ما اتفقنا
انا: طيب انا جايه اهو فايف منتس
هو: اوك(بحماس منقطع النظير)



و رحت واخده بعضي و عملت هجوم مباشر عليه من الخلف
و قلتله:بيسوووو انت هنا
هو: اتلهى و اترزى و بقى عرقه مرقه و قالي انت ايةجابك هنا
انا : انا روحت العيال علشان البرد و قلت اجي الف التراك الله امال فين صاحبك !!!و اية التسريحة الجميلة دي ؟؟انت رحت عند الحلاق؟ و صبغت كمان! واو صغرت 5 سنين يا مضروب
هو: الفار لعب في عبه و قالي لا ..اصله… اجل … تعالى نروح ناخد العيال و نتغدى برة
انا دوست على ريديل و انا واقفة معاه من شريحة الزبونة و استمتعت بوشة و هو بيجيب الوان و العرق بيفط من سحنته و هو حاسس ان البت جت و حتطب علينا
قالي: يلا يلا الجو برد النهاردة
قلتله: مش حترد على التليفون
قالي: مش مهم بقى
قلتله: طيب استنى حروح التويلت و ارجعلك
قالي: طيب
و انتهز الفرصة وراح متصل على رقم الزبونة
رديت بصوتي الأصلي
انا: الو
هو:بتردد……….انت فين؟
انا: ما انا لسة قايلالك رايحة الحمام
هو: اية(بصدمة)
انا: انت لسة معرفتش يا مدهول اني بشتغلك من اسبوع عاملي فالنتينو يا بيسو
طيب قبل ما تبص برة بص جوة
صدق اللي قال زي القرع تمد لبرة
سلام بقى علشان رايحة اقابل الواد بتاعي



و طلعتله لساني بمنتهى الانشراح اللي يضحك في الاخر هو اللي يضحك اكتر



و قفلت التليفون و رحت عند واحدة صاحبتي اتغديت معاها و سبته طول اليوم يضرب روحه تلاتين صرمة

لـِ أمل محمود

 

لما أنت مش قدها بتنطقها ليه !!!!!! ؟؟

لما أنت مش قدها بتنطقها ليه !!!!!! ؟؟

أه فعلا لما أنت مش قد كلمتك بتنطقها ليه ؟؟ وليه بتقول حاجة مش هتقدر تنفذها

حاجة غريبة بقت منتشرة بصورة بشعة الأيام دى وهيا أن الواحد يروح يخطب واحدة وهيا كل الحكاية دبلتين ويفضل داخل خارج واكل شارب عايش حياتة وبعدها بكام شهر يخلع وأدى وش الضيف

أيوة يخلع وهو ما بيسيبش البنت عشان مثلا ما لاقاش توافق بينهم أو لاقى فيها عيوب ومش هيقدر يكمل

لا لا ده سابها عشان خلاص زهق وعشان هو من الأول ماكانتش نيتة سليمة وكان بس عايز يعيش له يومين وخلصت على كده

وبعد ما يعشم البنت ويعلقها بيه فجأة يختفى !!!!!!!!

وعشان محدش يتهمنى بأنى متحاملة على الشباب أنا بقالى تقريبا أيام طويلة بسمع حكايات من هنا وهناك وكلها نفس المضمون وهو

يا أما واحد راح كلم أهل البنت وقروا فاتحة ولبسوا دبل أو وعدهم أنه بعد فترة هيلبسوا الدبل وكل ده عشان بس يعرف يكلم البنت ويخرج معاها ويعيش حياته وبعد كام شهر يختفى بدون أى مبررات

وفى النهاية لما يحبوا يعرفوا هو إيه السبب فى أنه خلع يطلع بحجج واهية ومش منطقية وتقريبا كلهم بيقولوا نفس الكلام

أصلك ناشفة معايا قوى فى التعامل وأنا ما بحبش كده !! على أعتبار أنها لازم تتمايص وتتدلع لواحد أصلا المفروض كلامها معاه يكون فى حدود المعقول لأنه مش جوزها

أصلك عمرك ما فهمتينى ولا هتقدرى تفهمينى !! طيب وكان بقالها كام شهر بتعمل إيه معاك ولا أنت فجأة صحيت من النوم أكتشفت أنها مش فهماك

أصلك مش عايزة واحد زيى !! وهيا لو كانت عايزة واحد غيرك كانت وافقت عليك ليه من الأول

أصلى مش عايز أظلمك ولا أجرحك عشان ظروفى ملخبطة !! على أعتبار أنه لما علقها شوية ووعدها بكلام وبعدين خلع ما يبقاش ظلمها ولا جرحها

إن شاء الله بكرة ربنا يرزقك بواحد أحسن منى مليون مرة !! لا يا شيخ وقلبك عليها كمان أدعى لنفسك الأول ربنا يهديك وتتقى ربنا فى بنات الناس

وكلام كتير وأكتر من ده ملايين المرات بيتقال بالحرف زى ما يكون فيه هوجه ماشية فى البلد الأيام دى للأستهبال وبغض النظر عن الظروف الأقتصادية والبطالة وغيره وغيره هو أنت مش المفروض شرحت ظروفك للبنت وأهلها وهما وافقوا مالكش حجة بقى فى اللى بتعمله غير شوية حاجات كده منهم أنك كنت من الأول مش واخدها جد

أو أنك من كتر الضغوط قررت تهرب وبتبقى عمال تقنع نفسك أنك بتعمل كده لمصلحة البنت على أعتبار أنها ماعندهاش عقل ومش عارفة مصلحتها

ليه ما بقاش حد بيحترم كلمته حتى لو كانت الكلمه دى أتقالت للبنت نفسها

ليه بقينا بنستسهل جرح الناس والهروب من كلامنا ونمشى نقول شعارات مالهاش لازمة ونحاول نقنع نفسنا أن ده هو الصح

ليه بتستسهل جرح البنت وظلمها واللعب بمشاعرها مع أنك لا يمكن ترضى أن ده يحصل مع أختك ولا بنتك

ليه بتعيش دور الغرام والهيام وتعيشها فى حلم جميل وفجأة هوب ترميها وتقف عليها كمان برجليك والمشكلة أنك ما بتحسش أنك غلطت فيها ولا فى حقها

وفعلا لما أنت مش قد كلمتك لا مع البنت ولا مع أهلها ياريت ما تقولهاش من الأول لأن المفروض الراجل راجل بكلمته وبوعوده


لـِ بسمه عبدالباسط