في تسجيل تلفزيوني قديم للدكتور والفيلسوف القدير "مصطفى محمود "رحمه الله سألوه عن الارتباط والعلاقه بين اتنين .. علاقة الزواج واختيار الزوج ، وكعادة د. مصطفى كانت اجابته عبقرية عقلانيه.
أهم حاجه شدد عليها إن المسألة مسألة خُلق قبل كل شيء لأن الحب بيروح ويجي والعواطف متقلبه، فإذا كانت العلاقه علاقة حب شهوانية فالشهوة قصيرة العمر، لأن من طبيعة الشهوة إنها ملوله، بالظبط زي ما إنت مش هتقدر تاكل من نفس الطبق كل يوم هتزهق بسرعه وهتبقى محتاج تغير.
وإذا كان فيه علاقه حب عاطفيه هتبقى أطول شوية بس فمش هتطول كتير برضه لأن العاطفه متقلبه فممكن الشيء اللي انت بتحبه دلوقتي مش بس تزهده بكره لكن ممكن كمان تكرهه،لكن الشيء اللي هيثبت العلاقه ويخليها قوية راسخه إن يبقى العقل مقتنع ويبقى فيه عنصرزي التفهم والتعقل والإحتياج الحقيقي للإنسان اللي هتختاره لأنها رحله عمر مش رحله ساعه.
والمشكلة إن التلفزيون والسينما ما ركزتش غير على كلمه "أحبك" ونسيت باقى عناصر الحياه الزوجيه.
قال كمان إن أهم عنصر في الحياة الزوجية هو عنصر أخلاقي صرف وهو استعداد الإنسان انه يتنازل عن أنانيته لأنه ما بقاش عايش لوحده وكمان معناه انك تقبل عيوب الاأخر والأخلاق دي ما بتلاقيهاش إلا في النفوس الخيرة المعطأه، ودي بقت قليلة شوية دلوقتي.
لكن اللي بيحصل دلوقتي إن يبقى فيه طرف قوي عايز يسيطر وعايزالتانى يتنازل فبقى صراع سلطه مش حب .. زي الست اللي تقولك بتروح فين وبتيجى منين وتفتش في جيوبك وتسميها حب وغيره لكنها مش حب دي رغبه فى التملك ،زى ما تكون كرسى، وزى كمان انك تلاقى واحد قدام القاضي يقولك انا قتلتها علشان بحبه .. وأبدى دكتور مصطفى استياء وتعجب كبير جداً من الجمله دي فى حد ذاتها .. ازاى يعني "قتلتها علشان بتحبها؟؟؟؟"
ومن الأمثلة الجميلة اللي قالها دكتور مصطفى إنه ماشفش أبوه وأمه اتخانقوا أبداً، على الرغم من انهم كانوا عيلة متوسطه وعندهم 8 ابناء والمصاريف كتير، ده عايز جامعة وده عايز علاج، لكن رغم كده ما كانوش بيتخانقوا.
لكن دلوقتي يكفي إنك تفتح التلفزيون وهتسمع الردح والغل ما بين الاتنين.. ناقص بس الشباشب فإذا كان اللي في التلفزيون ده نموذج فده أسوء نموذج، وإذا كان الجواز كده فيغور الجواز وسنينه بقى الواحد ما يقدرش يعيش ويشتغل في جو زي كده.
نفسي كل الولاد والبنات دلوقتى يسمعوا التسجيل ده ويشغلوا عقلهم شوية فيه، ويفكروا فى نفسهم وفي اللي بيعملوه، وفي كلمه "بحبك" اللى بقت اسهل من شرب الميه .
لأن علاقه الزواج مش علاقة متعة وجسد، ولا هي علاقه حب وعاطفه بس، دي أولا وأخيراً علاقة عمر كامل، والإنسان علشان يعيش عمره لازم يستخدم عقله، عقله هو اللي بيتحكم فى شهوته وهواللي بيتحكم في عاطفته وما ينفعش نسيب الشهوة أو العاطفة هي اللي تحركنا.
ما سمعتوش قبل كده عن اتنين كانوا بيحبوا بعض حب جنون وحاربوا الدنيا علشان يتجوزوا وبعد كده جوازهم ما استمرش كتير ولقيناهم اتطلقوا وكرهوا يعض وكرهوا اليوم اللي اتقابلوا فيه أصلاً .. أكيد سمعنا عن قصص زي دي.
يبقى يالا بقى نشغل عقلنا قبل فوات الآوان.
شـوف الفيديو http://www.youtube.com/watch?v=5qSJx8mbOdQ&feature=share
أهم حاجه شدد عليها إن المسألة مسألة خُلق قبل كل شيء لأن الحب بيروح ويجي والعواطف متقلبه، فإذا كانت العلاقه علاقة حب شهوانية فالشهوة قصيرة العمر، لأن من طبيعة الشهوة إنها ملوله، بالظبط زي ما إنت مش هتقدر تاكل من نفس الطبق كل يوم هتزهق بسرعه وهتبقى محتاج تغير.
وإذا كان فيه علاقه حب عاطفيه هتبقى أطول شوية بس فمش هتطول كتير برضه لأن العاطفه متقلبه فممكن الشيء اللي انت بتحبه دلوقتي مش بس تزهده بكره لكن ممكن كمان تكرهه،لكن الشيء اللي هيثبت العلاقه ويخليها قوية راسخه إن يبقى العقل مقتنع ويبقى فيه عنصرزي التفهم والتعقل والإحتياج الحقيقي للإنسان اللي هتختاره لأنها رحله عمر مش رحله ساعه.
والمشكلة إن التلفزيون والسينما ما ركزتش غير على كلمه "أحبك" ونسيت باقى عناصر الحياه الزوجيه.
قال كمان إن أهم عنصر في الحياة الزوجية هو عنصر أخلاقي صرف وهو استعداد الإنسان انه يتنازل عن أنانيته لأنه ما بقاش عايش لوحده وكمان معناه انك تقبل عيوب الاأخر والأخلاق دي ما بتلاقيهاش إلا في النفوس الخيرة المعطأه، ودي بقت قليلة شوية دلوقتي.
لكن اللي بيحصل دلوقتي إن يبقى فيه طرف قوي عايز يسيطر وعايزالتانى يتنازل فبقى صراع سلطه مش حب .. زي الست اللي تقولك بتروح فين وبتيجى منين وتفتش في جيوبك وتسميها حب وغيره لكنها مش حب دي رغبه فى التملك ،زى ما تكون كرسى، وزى كمان انك تلاقى واحد قدام القاضي يقولك انا قتلتها علشان بحبه .. وأبدى دكتور مصطفى استياء وتعجب كبير جداً من الجمله دي فى حد ذاتها .. ازاى يعني "قتلتها علشان بتحبها؟؟؟؟"
ومن الأمثلة الجميلة اللي قالها دكتور مصطفى إنه ماشفش أبوه وأمه اتخانقوا أبداً، على الرغم من انهم كانوا عيلة متوسطه وعندهم 8 ابناء والمصاريف كتير، ده عايز جامعة وده عايز علاج، لكن رغم كده ما كانوش بيتخانقوا.
لكن دلوقتي يكفي إنك تفتح التلفزيون وهتسمع الردح والغل ما بين الاتنين.. ناقص بس الشباشب فإذا كان اللي في التلفزيون ده نموذج فده أسوء نموذج، وإذا كان الجواز كده فيغور الجواز وسنينه بقى الواحد ما يقدرش يعيش ويشتغل في جو زي كده.
نفسي كل الولاد والبنات دلوقتى يسمعوا التسجيل ده ويشغلوا عقلهم شوية فيه، ويفكروا فى نفسهم وفي اللي بيعملوه، وفي كلمه "بحبك" اللى بقت اسهل من شرب الميه .
لأن علاقه الزواج مش علاقة متعة وجسد، ولا هي علاقه حب وعاطفه بس، دي أولا وأخيراً علاقة عمر كامل، والإنسان علشان يعيش عمره لازم يستخدم عقله، عقله هو اللي بيتحكم فى شهوته وهواللي بيتحكم في عاطفته وما ينفعش نسيب الشهوة أو العاطفة هي اللي تحركنا.
ما سمعتوش قبل كده عن اتنين كانوا بيحبوا بعض حب جنون وحاربوا الدنيا علشان يتجوزوا وبعد كده جوازهم ما استمرش كتير ولقيناهم اتطلقوا وكرهوا يعض وكرهوا اليوم اللي اتقابلوا فيه أصلاً .. أكيد سمعنا عن قصص زي دي.
يبقى يالا بقى نشغل عقلنا قبل فوات الآوان.
شـوف الفيديو http://www.youtube.com/watch?v=5qSJx8mbOdQ&feature=share
ليست هناك تعليقات:
إرسال تعليق