اشتعل الوطن العربي ..بن على هرب , وصالح اتحرق , والقذافي اتقتل , ومبارك بياكل ماك فلوري فى المركز الطبي ..!
- الشباب اقامو بثورة , سرقها العسكر وركبها الاسلاميون, ليثبت المصريين للعالم انهم شمعة تحترق من اجل الاخرين ..!
- وصل التلفزيون المصري لاعلى معدلات الريادة الاعلامية اثناء الثورة وذلك بتركيزه على منظر نهر النيل , انتظارا ان يخرج السمك يقول نعم لمبارك ..!
- خط الغاز لاسرائيل تم تفجيره 10 مرات , لدرجة ان اسرائيل تفكر جديا فى استخدام الانابيب ..!
- اكتشاف الموهبة الفذة " عبد المنعم الشحات " الذى افتى بتحطيم الاضرحة وتغطية التماثيل وتحرم " الاي فون " لانه قايم على " التحسيس " ..!
- الشعب المصري اول من وحد كلمة الشرطة والجيش والبلطجية ..اتضرب من التلاتة ..!
- قامت مواقع الجمل والعباسية وماسبيرو ومحمد محمود ومجلس الوزراء والحواوشى ..ولكن تبقى اهمهم والاقرب لقلوب المصريين موقعة علياء المهدي ..!
- فقد احمد حرارة عيناه , وفقد عمرو مصطفى عقله , وفقد تامر حسني شعبيته وفقد المشير حذاءه وفقد مدحت شلبي اعز ما يملك ..!
- قالت الصناديق نعمممممممممممممم ..مع ان كل اللى اعرفهم قالو لا ..!
- تحول المصري الثائر الى قلة مندسة ثم اجنده ثم بلطجي واخيرا فوتوشوب ..!
- ثوار 25 يناير غير اللى نزلو 28 يناير غير اللى نزلو فى اعتصام مارس غير اللى نزلو فى اعتصام يوليو غير اللى نزلو اعتصام نوفمبر ..احنا الشعب الوحيد اللى بيتجدد كل شهر تقريبا ..!
- تخيل الشعب انه اسقط النظام , ولكنه اكتشف ان النظام هو الذى اسقط الشعب..!
- مصطفى بكرى اثبت انه راجل وطني ..الحزب !
- تحولنا من مصريين , ل ليبراليين وعلمانيين وسلفيين واخوان واقباط وثوار وفلول وحزب الكنبة والاغلبية الصامتة وابناء مبارك وابناء المشير وطرف تالت ..ناقص لنا فريقين وننظم دوري ..!
- تعريف الاحزاب : اخر ناس تنزل الشارع ..واول ناس تقعد على ترابيزة المفاوضات ..!
- جاول الشعب استعطاف
- مناورات اعلامية تطيح بمحمود سعد من ماسبيرو ودينا عبد الرحمن من دريم ..مع بروز النجم الاعلامي سبايدر ..بغض النظر ان فى بيتنا بنضربه بالشبشب ..!
- فقد احمد حرارة عيناه , وفقد عمرو مصطفى عقله , وفقد تامر حسني شعبيته وفقد المشير حذاءه وفقد مدحت شلبي اعز ما يملك ..!
- ستظل تلك العبارات الخالدة تؤرخ لتلك السنة التاريخية " لم اكن انتوي " , " يحز فى نفسي " , " افندم انا موجود " , " انا قتلت واتقتلت " , " احنا صابرين صابرين صابرين " , " مفيش قناصة فى الداخلية " , " جدع ياباشا جن ف عين الواد " , " يا واد يا مؤمن " .
للكاتب الساخر .. مصطفي شهيب "مؤلف كتاب "بلد متعلم عليها"
ليست هناك تعليقات:
إرسال تعليق